Musik: H. Knipp, Bläck Fööss
Text: H. Knipp, Bläck Fööss
Verlag: De Bläck Fööss Musikverlag GmbH
Jahr: 1972
1. En d'r Weetschaff op d'r Eck,
do stund et Linda an d'r Thek.
Su jet Leeves, dat hatt ich noch nie jesinn,
un ich wor direk janz hin.
Ich saat, kumm drink met mir e Bier,
doch plötzlich woren et dann schon vier.
Do reef ich: Linda, wat mähs do met mir?
Linda, drink doch nit esu vill.
Ich kann maache wat ich well,
du verdrähs einfach mih als ich.
Ich jläuv, du drinks mich unger d'r Desch.
Oh Linda, Linda, Linda Lou,
oh, Linda, Linda Lou.
Keiner schaff su vill wie du.
Refrain:
Leev Linda Lou,
leev Linda Lou,
oh, Linda Lou, oh Linda Lou,
oh, Linda, Linda, Linda, Linda, oh
Leev Linda Lou.
2. Op eimol kunnt ich nit mih ston
un nit mih vür un rückwärts jon.
Ich saat däm Linda, kumm,
ich well jetz noh Hus,
doch do laachte et mich einfach us.
Un it bestellte noch zwei Bier,
denn däm jefeel et he met mir.
Do reef ich Linda, wat mähs du met mir?
Refrain:
Leev Linda Lou…
3. Et wor su koot noh halver zehn,
do schleef ich an dem Tresen en,
doch mi Linda wor noch unheimlich fit
un saat mer: "Drink doch eine met".
Doch ich wor mööd un kunnt nit mih,
un ming Fööss die däten wih,
do reef ich: Linda, ich kann nit mih.
Linda, drink doch nit esu vill…
Refrain:
Leev Linda Lou…