ET SÜDSTADT LEED
Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1977


1. Wenn för d'r Ringschänk keine Baum vür de Dür mih steit,
weil demnächs he en neue Stroß lang jeit.
Wenn dä Ahl singe Blomewage nit mih fährt,
es et Levve he nur noch de Hälfte wert.

2. Un dä Kiosk vun dä Frau he nevvenan,
kann nit blieve, denn laut Plan, do es hä dran.
Och dä Lade, wo mer dich mem Name jröß,
dä muß fott, hä steit dem Fortschritt en de Fööss.

Refrain:
Doch mir all blieven he, sulang et jeit,
en d‘r Stroß, wo jeder jeden noch versteit.
Wo die Pänz un die Ahle och noch Minsche sin.
An d'r Stadtrand, do kritt uns keine Deuvel hin.

3. Et weed nur schöner, su han se uns jesaat.
Un üvverhaup, hat ihr dat üvverlaat?
Durch die neue Stroß un durch die Vorlaufbahn,
kütt jeder schnell en d'r "Neue Heimat" an.

Refrain:
Doch mir all blieven he, sulang et jeit...

Doch mer all blieven he, sulang et jeit,
Weil et woanders bestemmp nit schöner weed.
Wat sull die Stroß un die Stadtbahn?
Die han he keine Senn.
Un an d'r Stadtrand, do kritt uns keine Deuvel hin.
Un an d'r Stadtrand...
An d'r Stadtrand...
© BLÄCK FÖÖSS