Musik: Bläck Fööss, J. Schnabel, H. Knipp
Text: Bläck Fööss, H. Knipp
Verlag: Manuskript
Jahr: 2003
Intro:
Keiner weiß, wat morje es,
uns Zukunf, die es unjeweß.
Wat jestern wor, brengk keiner dir zeröck.
Refrain:
Kumm loß mer eimol noch zesammeston,
Ärm en Ärm, bes dat m’r usenanderjon.
Wenn jeder morje andre Wäje jeit,
wä weiß, wohin uns all d’r Wind noch weht.
1. Nä, wie off hammer op de Uhr jelurt
un jedaach, dat en Stund en Iwichkeit durt.
Jetz, am Ziel he, simmer traurich, ävver frei.
Och en Iwichkeit jeit vill ze schnell vorbei.
Refrain:
Kumm loß mer eimol noch zesammeston...
2. Sääs du mir hück och wie immer tschö,
dismol deit et m’r wih, zom eetstemol richtich wih.
Die Welt es riesenjroß un zom Jlöck och manchmol klein.
Irjendwann, do simmer all widder beienein.
Refrain:
Kumm loß mer eimol noch zesammeston...
C-Teil:
Un ich weiß, do kütt en Zick
do kütt en Zick,
wo mir uns widdersin,
do treffe mer uns all
un schwade vun dä Zick,
wie schön dat doch wor
all die lange Johr.
Refrain:
Kumm loß mer eimol noch zesammeston...
Kumm loß mer noch eimol,
kumm loß mer noch eimol,
kumm loß mer noch eimol zesammeston.
Kumm loß mer noch eimol…
Kumm loß mer noch eimol zesammeston.
Kumm loß mer noch eimol zesammeston.