Komponist: H. Knipp, Bläck Fööss
Texter: H. Knipp, Bläck Fööss
Verlag: De Bläck Fööss Musikverlag GmbH
Jahr: 1986
1. Schwerbelade simmer do,
met all däm Leid vum letzte Johr.
De Köpp janz deef jesenk zor Ääd,
die Hoffnung, dat et besser weed.
Ich han jefluch, ich han jeloge,
ich han em Draum ming Frau bedroge.
Oh hätt ich dat doch nie jedon,
dann bröt ich jetz nit noh Kevelaer zu jon.
Oh hätt ich dat doch nie jedon,
dann bröt ich jetz nit noh Kevelaer zu jon.
Refrain:
Denn wick es d'r Wäch noh Kevelaer,
wick es d'r Wäch noh Kevelaer.
Inbrünstig singk uns Piljerschar.
Wick es d'r Wäch noh Kevelaer.
2. Verdammp, wat es dä Wäch doch lang,
esu wie beim Canossajang.
Jeder hät si Krütz dobei,
un immer länger weed de Reih.
Ich han am Friedaach Fleisch jejesse,
un beim Bichte en Dudsünd verjesse.
Oh hätt ich dat doch nie jedon,
dann bröt ich jetz nit noh Kevelaer zu jon.
Oh hätt ich dat doch nie jedon,
dann bröt ich jetz nit noh Kevelaer zu jon.
Refrain:
Denn wick es d'r Wäch noh Kevelaer...
3. Schwatz vür Minsche es de Kirch,
weil jeder sich vür‘m Düvel fürch.
Rusekränz en jeder Hand,
dausend Amen dröppen vun d'r Wand.
Ich han drei Johr kein Stür bezahlt,
wenn jetz kein Hilf kütt, setz ich bal.
Oh hätt ich dat doch nie jedon,
dann bröt ich jetz nit noh Kevelaer zu jon.
Oh hätt ich dat doch nie jedon,
dann bröt ich jetz nit noh Kevelaer zu jon.
Refrain:
Denn wick es d'r Wäch noh Kevelaer...
C-Teil
Jubilate, jubilate, jubilate
Jubilate, jubilate, jubilate!
Ah….
Refrain:
Denn wick es d'r Wäch noh Kevelaer...
...Wann simmer endlich en Kevelaer
...Wä zeich uns dä Wäch noh Kevelaer
...Deef em Nevvel litt Kevelaer
...Do müsse mer durch noh Kevelaer
...Jetz simmer vorbei an Kevelaer
...Hei, wo geiht et he noh Kevelaer