Musik: R. Hömig, W. Petry
Text: R. Hömig, Bläck Fööss
Verlag: De Bläck Fööss Musikverlag GmbH
Jahr: 1984
1. Usjebomb un afjebrannt,
nur Schutt un Dreck am Stroßerand.
D'r Kreech wor us un keiner woß,
ob et noch wiggerjeit.
Ävver irjendwie jing et dann doch,
un wenn et sin moot en enem Kellerloch,
e besje laache holf jet drüvver weg.
Kumm denk ens dran zoröck.
Refrain:
Un fier d'r Fastelovend noch ens su,
wie vür veezich Johr!
2. Muckefuck un Rövekruck
vum Schwatze Maat met heimjebraat,
op Hamsterfahrt em Vürjebirch
ne Teppich jäjen Woosch jetuusch.
Om Neppeser Bahnhof Klütte jekläut,
flöck noh Hus un en d'r Ovven jedäut.
D'r Schmitz nevvenan hät schwatz jebrannt,
un wenn d'r Schmitz dat hück noch weiß,
Refrain:
dann fier d'r Fastelovend noch ens su
wie vür veezich Johr!
Fier d'r Fastelovend noch ens su.
3. Stöck för Stöck un Stein för Stein
kom Kölle widder op de Bein.
Trümmerfraue, die stunten dann
trotz Hunger ihre Mann.
D'r Nohber kom us d'r Jefangenschaff heim
un zom eetste Mol do soh hä singe Klein.
E Foto vun domols litt hück en d'r Kess.
Wie schnell m‘r doch verjiss.
Refrain:
Dröm fier d'r Fastelovend noch ens su
wie vür veezich Johr!
Fier d'r Fastelovend noch ens su.
(Statt „veezich Johr“ wird heute „sechzich Johr“ gesungen)