Musik: H. Knipp, Bläck Fööss
Text: H. Knipp, Bläck Fööss
Verlag: De Bläck Fööss Musikverlag GmbH
Jahr: 1979
1. MaMaMa Endlich Friedachovend, un ich sin, do waats op mich,
he es minge Wocheluhn, ich läjen op d'r Desch.
Breng mer flöck et Esse, dun de Kinder en et Bett,
maach dich noch jet fresch, hück ovend weed et nett.
Refrain:
Treck noch ens dat Kleid an,
wat de domols jedragen häs,
als d'r Elvis an ze rocke fing,
als dinge Reißverschloß jeressen es.
Treck noch ens dat Kleid an,
kumm, loß mer danze jon.
Mer jehüre doch noch nit zom ahle Ieser,
kumm, loß mer danze jon,
kumm, loß mer danze jon.
2. Mondachs, Diensdachs, Mettwochs, jeden Daach nor Plackerei,
üvverall ben ich met mingem Preßluffhammer bei.
Donnersdachs un Friedachs es dat dann et selve Spell,
doch des Samsdachsovends, do weiß do, wat ich well.
Refrain:
Treck noch ens dat Kleid an...
3. MMMMH Wenn mir zwei am danze sin, do weed mer janz heiß,
schlemmer als am Preßluffhammer läuf mer dann d'r Schweiß.
Doch met dir ze danze es kein Arbeit, jläuv et mir,
un am nächste Wochenengk sach ich dann zo dir:
Refrain:
Treck noch ens dat Kleid an...