MIR SIN DIE WELTMEISTER VUM RHING
Musik: Bläck Fööss
Text: Bläck Fööss
Verlag: Manuskript
Jahr: 2006


1. Alles sprich vun Meisterschaff,
doch friedlich schlöf uns Vatterstadt.
In der Ruhe liegt immer noch die Kraft.
Janz ovve sin es och janz schön,
doch bovven es de Luff jet dönn,
wä janix deit, dä hät ald vill jeschaff.
Woröm jläuv uns dat keiner op d’r Ääd?
Es d‘r Ress der Welt dofür zo blöd?

Refrain:
Mir sin die Weltmeister vum Rhing.
Wä uns nit kennt, hät de Welt nit jesinn.
Jewenne künne, künne mer nit immer,
ävver jönne künne, dat künne mer joot.

2. Fußball spille mer nit esu joot,
doch Kölsche Junge bütze joot,
uns Mädcher ston bei uns an eetster Stell.
Mer drieße jet op Meisterschaff,
un drinke leever Bröderschaff,
echte Fründe fings de he janz schnell.
Doch wenn et hatt op hatt kütt scheiden sich die Jeister,
ävver em Fiere simmer immer Weltmeister.

Refrain:
Mir sin die Weltmeister vum Rhing…

C-Teil:
Weltmeister – em Fiere, Blamiere
Klüngele, Strunze, Lamentiere,
Stroß oprieße, Düx verbaue,
de Aussicht op d’r Dom versaue.
Weltmeister - em Strüüßjer un Kamelle schmieße,
bedde un de Lück bedrieße,
opsteije, afsteije, Müll verbrenne, Schmierjeld nemme,
sich nit mih dran erinnere künne.
Un tschüss!!!

Refrain:
Mir sin die Weltmeister vum Rhing…

© BLÄCK FÖÖSS