HÄMMCHE
Musik: Bläck Fööss, H. Knipp
Text: Bläck Fööss, H. Knipp
Verlag: Manuskript
Jahr: 1991


1. Ich han als Kind nit joot jejesse, de Mamm saat immer: Jung, du muß.
Noh Kühl un Kappes moot ich breche, dat Zeuch kom immer widder rus.
Nur eins, dat han ich jän jemoch, un dovun krät ich nie jenoch:
Allein schon wenn ich et roch, su e lecker Hämmche.

2. Jet späder han ich rusjefunge, dat et och noch jet anderes jov,
op dat ich unwahrscheinlich stund, dat wor, als ich mi Rosi trof.
de Beinche stramm un nit zo dönn, de Bäckche zart, rusisch un fing,
schon leef mer et Wasser üvver et Kenn, denn ich daach an Hämmche.

Refrain:
Hämmche - für e Hämmche loß ich alles ston
Hämmche - für e Hämmche wööd ich bes noh Neppes jon
Hämmche - für e lecker, lecker Hämmche.
Hämmche - wat wör e Lääve ohne Hämmche wät?
Hämmche - su e Hämmche es d'r Himmel op d'r Äd,
Hämmche - su e lecker, saftig Hämmche.

Ich ston mem Auto vör d'r Ampel, die es ald lang op Jrön.
hinger mir e Hupkonzert, ich drieh mich janit öm.
En wieße Jack kütt op mich zo un schriev jet op ene Zeddel drop,
ich jevve ming Bestellung op: Herr Ober, bringen Se bitte en Hämmchen.

Refrain:
Hämmche - für e Hämmche loß ich alles ston...

C-Teil:
Ich fahre wigger wie em Draum,
plötzlich hür ich wie et kraach.
Op eimol sin ich dausend Hämmche,
dann weed ich em Himmel wach.

3. Ich jov däm Petrus minge Löffel af, dann jommer en d'r Speisesaal,
an nem Desch su wie beim Sion, jo do soßen se schon all:
d'r Willi Ostermann, die Läsche Nas, un och d'r Karl Berbuer,
jo, un die schmesse met de Knoche noh mir un reefen:
Jung, küss e beßje spät, hück jov et Hämmche.

Refrain:
Hämmche - für e Hämmche loß ich alles ston...

© BLÄCK FÖÖSS