ET SPANIEN-LEED
Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1976


1. Jedes Johr em Sommer jeit dat Spillche widder loß.
Met Sack un Pack noh Spanien weil et do jo nit vill koß,
Mer fleje dann mem Neckermann von Wahn noh Benidorm
Do weede mer schön brung un sin su richtich jroß en Form.

Refrain:
Nä, nä, Marie es dat he schön
üvverall nor kölsche Tön.
Nä, he süht et wirklich us
wie bei uns zohus.
He fählt nur vum Balkon
Die Aussich op d'r Dom.

2. Am eetste Ovend weed direk e Babekju jemaat.
Et weed jejrillt, die Wööschjer han mer selver metjebraat.
Mer drinke Cuba Libre un Sangria bes zom Schluß.
Als echte Kölsche föhlt m‘r sich doch üvverall zohus.

Refrain:
Nä, nä, Marie es dat he schön...
La la la…

3. Am nächste Morje triff mer sich öm zehn Uhr dann am Strand.
En Zeidung us d'r Heimat un et Radio em Sand.
Öm zwölf Uhr jitt et Meddach, em Hotel es wärm jekoch
Ähzezupp met Hämmche jitt et eimol en d'r Woch.

Refrain:
Nä, nä, Marie es dat he schön...

4. Nomeddachs öm zwei do maache mir dann eesch en Tour.
Met achzich Mann em Bus un dat für paar Pesete nur.
Drei Stunde durch de Stadt, do krißte wirklich vill ze sin.
Un eines, dat es jetz schon klor, he fleje m‘r widder hin.

Refrain:
Nä, nä, Marie es dat he schön…
La la la…
© BLÄCK FÖÖSS