Musik: H. Knipp, Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1980
1. Irjendwann sin de Pänz ens us dem Hus
un wenn dann en d'r Wonnung alles stell weed
Denk de Mamm wenn se ovends en et Bett jeit,
wie maach et im wohl jon?
Morjens fröh röf se ihre Jung dann an
un se sät: Jung wann küßte uns besöke?
Un se fröch: Häste hück schon jet jejesse?
oder fählt d‘r irjendjet, dann saach et mir!
Refrain:
De Pänz sin us dem Hus, jetz es janix mih loß
Hück hammer uns Rauh, nä hät dat Nerve jekoß
Fröher, do wor et ze laut, doch jetz, jetz es et ze stell
Et fählt irjendjet - e komisch Jeföhl.
2. Halver zehn un de Pänz fahre noh Hus.
Et wor schön, denn mer soße all zesamme.
Dä Verzäll bliet noch en de Ohre hange.
Vill Freud mät och vill Möh.
Refrain:
De Pänz sin us dem Hus -
Jetz hammer all die Zick für uns
Jetz es janix mih loß -
Die Zick für all die andere Saache.
Hück hammer uns Rauh -
Jetz künne mer richtich Urlaub maache.
Nä hät dat Nerve jekoß.
Hück ovend, do wor et jet laut doch jetz,
jetz es et ze stell
Et fählt irjendjet - e komisch Jeföhl.
De Pänz sin us dem Hus jetz es janix mih loß
Hück hammer uns Rauh, nä hät dat Nerve jekoß
Fröher, do wor et ze laut, doch jetz, jetz es et ze stell
Et fählt irjendjet - e komisch Jeföhl.