DÄ LABBES
Mädche kumm eraf, Du häs Besök, he steiht ´ne Labbes vür d´r Dür.
Hä luurt mich ahn un kritt de Zäng nit usenein, doch ich jläuv, hä will zo Dir.

Ne Meternüngzich, Mötz om Kopp, Häng en d´r Täsch, de Botz es vill zo jroß.
Do wääs dä doch em Lääve nit mih ren, su jeiht doch keine Minsch erus.

Ich han en ens eren jeloße, kumm eraf, hä setz sich op mingem Stohl.
Wat will dä dann su fröh ald he, ich sagen Dir, dat wor et letzte Mol.

Mer wollten doch hück Fernseh luure, et jit e wunderbar Programm.
Jetz setz ich met däm Jung he janz allein, un waat op ming Madam.


Jo, wenn Du op minger Scholdere soß´t, do wor ich dinge Held.
Ich wor dä jrößte, dä schönste un dä stärkste Mann der Welt.
Un wenn et Donnerwedder kom, dann verkruchste dich bei mir,
un dann nohm ich dich en d´r Ärm, hück steiht dä Labbes vür d´r Dür.


Hä setz do un luurt sich alles ahn, immer schön jezielt an mir vorbei.
Mädche kumm eraf, ich driehe he am Rad bei der bekloppte Waaderei.

Un endlich steihs Du op dä Trepp wie en Prinzessin, hück jeiht et op Jöck.
Dä Labbes strahlt bes üvver beide Ohre, wat hät dä Jung e Jlöck.


Jo, wenn Du op minger Scholdere soß´t, do wor ich dinge Held.
Ich wor dä jrößte, dä schönste un dä stärkste Mann der Welt.
Un wenn et Donnerwedder kom, dann verkruchste dich bei mir,
un dann nohm ich dich en d´r Ärm, janz fess en minge Ärm.

Jo, wenn Du op minger Scholdere soß´t, do jing et mir ´su joot.
Alles leef noh dinger kleine Nas, alles wor em Lot,
Nä, wat hammer vill jelaach, du hatts Auge nur für mich
Dat wor jeföhlt bes letzte Woch esu, jetz setz dä Labbes he am Desch.
© BLÄCK FÖÖSS