Text u. Musik: Nikolaj Grunwald, Peter Wieschermann, Bläck Fööss
Jeder hätt si klei Jeheimnis
Ene dunkle Fleck op singer wieße Wess
Et deit jot, et einem zo verzälle
Zo däm Du Vertraue häs
Dä Aaz, dä Pastur un dä Avekat
Dä Therapeut, dä Apotheker un d’r Weet
Ich daach all die hätte Schweijeflich
Doch do lije ich verkeet
Dat kann nur einer op dä Ääd
Refrain:
D’r Nubbel es an allem schold
Doch schweije kann hä jot
Us singer Schnüss kütt nix erus
Kei Woot bes en d’r Dud
Schweije kann hä jot… jo, jo, jo
Schweije kann hä jot
Schweije kann hä jot… jo, jo, jo
Maach Dir kein Sorch un Nut
Opa Hein drät heimlich Strapse
Et Marie, dat hätt ne Fisternöll
Dä kleine Kevin kläut sing Kamellche
Un singe Papp betupp beim Kaatespill
Jeder weiß et, nur dä Ein bliev still
Ref.
D’r Nubbel es an allem schold
Doch schweije kann hä jot
Us singer Schnüss kütt nix erus
Kei Woot bes en d’r Dud
D’r Nubbel es an allem schold
Doch schweije kann hä jot
Ding Sünde us däm Fasteleer
Nemmp hä met en d’r Dud
Schweije kann hä jot… jo, jo, jo
Schweije kann hä jot
Schweije kann hä jot… jo, jo, jo
Un Äschermettwoch es hä dud
Dä ärme Kääl…